Долгогодишниот британски комичар и водител на култната радиоемисија „Џст а минт“, Николас Парсонс почина по кратко боледување на 96- годишна возраст, пренесуваат бројни британски медиуми.

Во Велика Британија, Парсонс беше познато лице и беше многу почитуван од слушателите на радио Би-би-си. Емисијата почнал да ја води уште во 1967 година, а нејзиниот формат остана речиси ист до последните денови.

Интересно е што во 2018 година Парсонс ја пропуштил првата емисија по повеќе од 50 години. Водителот во тоа време ги загрижил неговите обожаватели и слушатели, но Би-би-си наскоро ја смирил ситуацијата и појаснил дека станува збор само за кратка пауза што Николас решил да ја земе по децении.

Меѓу гостите во емисијата на Парсонс биле многу познати личности, а една од најслушаните емисии била онаа кога тој бил домаќин на принцот Чарлс (71), голем обожавател на ликот и делото на Парсонс.

ОСТАВЕТЕ ОДГОВОР

Напишете коментар!
Ве молиме внесете го вашето име овде